Soia

En Arxentina, Brasil, Bolivia, Paraguai e EEUU están a cultivarse e cultivando sementes de soia xeneticamente modificadas resistentes ao herbicida patentado glicofosfato. As sementes portan un xene procedente dunha bacteria do solo, o Agrobacterium que é o que as fai resistentes a este produto. O beneficio no uso destas sementes é que se conseguen multiplicar os cultivos. Ao aumentar a eficacia na produción pódense baixar os custos, usar menos fertilizantes, aumentar os rendementos e mellorar a calidade do produto. Pero o emprego de sementes xeneticamente modificadas expón un problema non só a nivel social e político, senón tamén a nivel ambiental e de saúde pública, pois se debe demostrar cientificamente o impacto do consumo deste tipo de alimentos na saúde humana. Ademais, os agricultores e os gobernos dependen da empresa subministradora de sementes e de herbicida, o que impide a variabilidade natural e crea un sistema agrícola de dependencia mundial duns poucos provedores.