Os legumes / Os legumes como alimento funcional

Algúns fitoquímicos de leguminosas están directamente implicados na redución do colesterol sérico e na prevención da formación da capa de ateroma que degenera en enfermidades cardiovasculares.

• Lectinas: Demostraron favorecer o transporte de colesterol sanguíneo e o seu metabolismo, reducindo así o risco de acumulación nas paredes das arterias.
• Isoflavonas da soia: Diminúen o LDL-colesterol (colesterol malo) e elevan o HDL-colesterol (colesterol bo) en casos de hipercolesterolemia en mulleres con menopausa, en homes e en nenos.
• Saponinas: Traballos realizados nos últimos anos pon de manifesto que concentracións non tóxicas de saponinas reducen a absorción de colesterol no tracto dixestivo polo que se lles atribúen efectos beneficiosos na hipercolesterolemia.
• Esteroles e estanoles vexetais: Ver apartado de “Actividade hormonal e metabólica”.