Os legumes / Os legumes como alimento funcional
Introdución
As leguminosas considéranse alimentos funcionais porque xunto aos seus compoñentes nutritivos conteñen outros compostos biológicamente activos que proporcionan un beneficio para a saúde, o que incrementa o benestar ou diminúe o risco de enfermar. (Definición de consenso para “alimento funcional”; FUFOSE, Functional Food Science in Europe, 1999).
No “4Th International Workshop on Antinutritional Factors in Legume seeds and Oil seeds”, celebrado en Toledo en marzo de 2004, recalcouse a importancia dos fitoquímicos dos legumes en nutrición humana así como os seus efectos positivos e negativos e os seus mecanismos de acción, xa que a comprensión de como estes compoñentes actúan no organismo está nos seus inicios.
Até o momento os fitoquímicos presentes nos legumes demostraron ter propiedades antitumorais, hipolipemiantes, efecto prebiótico, de diminución do índice glicérico, e actividade hormonal e metabólica. A continuación exponse os resultados das investigacións máis recentes.
