Soia

Pódense atopar máis de 3.000 variedades de soia, que se clasifican en 10 grupos atendendo á duración do seu ciclo de cultivo, desde o noventa días até preto dos douscentos. Para o sur de España recoméndanse variedades de ciclo curto, que escapan das posibles choivas do outono que poden prexudicar a maduración do gran.

A floración da soia está intimamente ligada á duración do día. Por iso, ademais das condicións de temperatura, humidade e solo, as horas de sol en cada rexión condicionan o período de sementa.

As variedades que máis se cultivan en España son Akashi, Amsoy, Azzurra, Calland, Canton, Gallarda, Katai e Panter.

A semente de soia é xeralmente esférica, do tamaño dun guisante e de cor amarela. Algunhas variedades presentan unha mancha negra que corresponde ao fío da semente.

É rica en proteínas e en aceites. Algunhas variedades xeneticamente melloradas contan co 40-42% de proteína e o 20-22% en aceite respecto do seu peso seco.