Millo

O millo e os seus derivados consómense de maneiras moi diferentes.

Fariña de millo

A fariña de millo mesturada con auga emprégase para diversas elaboracións que reciben distintos nomes segundo o lugar ou país de elaboración. É o caso da polenta (unha especie de papilla que admite diversos ingredientes como queixo, cebola…), o atol (bebida azucarada de fariña de millo e auga, e edulcorada con cacao, vainilla, canela ou herbas aromáticas), os tamales (masa de millo cocida e envolta en follas da propia mazorca, que pode levar ou non recheo de carne, vexetais, froitas, etc.), ou as tortillas de millo, arepas ou talos, nomes distintos segundo o país que recibe o pan de millo sen fermento.

En moitos países, os grans de millo se fermentan e dan lugar a un novo produto chamado ogi (Nixeria), uji en Kenya, kenkey en Ghana, e pozol en México e Guatemala. Algúns países africanos elaboran cervexa a partir de millo. En Exipto é popular a elaboración de aish merahra, un pan plano de millo aromatizado con alholva (especia) e fermentado mediante un fermento de masa agre. En Líbano consómese un produto similar chamado markouk.

Millo fresco

O millo fresco, de sabor doce e delicado, é un ingrediente que se pode comer só ou ben como ingrediente de guisos e ensaladas, aos que achega cor e unha textura diferente. Utilízase moito na cociña mexicana, xa que se combina moi ben con condimentos de sabor marcado como a lima ou os chiles picantes.

Mazorcas

As mazorcas coas súas follas incluídas son perfectas para grelladas.

Millo cocido

A elaboración do millo cocido é sinxela. Retíranse as follas exteriores e as hebras e cócense as mazorcas enteiras 3-5 minutos en auga fervendo, ou ben 8-10 minutos ao vapor. Os grans deben quedar tenros, pódese comprobar picando cun escarvadentes. Unha vez cocida a mazorca, vanse arrincando as fileiras de grans cun coitelo. Estes grans pódense usar en ensaladas e como guarnición doutros pratos. As mazorcas tamén se poden asar á brasa ou ao forno untadas cun pouco de manteiga.

Millo baby

As mazorquitas pequenas ou millo baby caracterízanse polo seu sabor moi doce e textura crujiente. Resultan deliciosas en guisos e salteados, aínda que tamén se poden facer ao vapor ou rehogar e servir como guarnición.