Batata

A batata é un tubérculo comestible que pertence á familia das Convolvuláceas, e cuxo nome científico é Ipomoea batatas L. Considéralla orixinaria das rexións tropicais do Centro e o Sur de América, aínda que o certo é que se descoñece o lugar inicial de cultivo. Hai séculos, a súa plantación estendeuse a zonas tropicais de Asia, e nelas concéntrase actualmente a maior produción mundial.

Este tubérculo comestible ampárase en diferentes nomes: boniato, moniato, camote ou pataca doce. Esta última nomenclatura viaxou en dirección inversa ao produto. Os ingleses chamárono ‘sweet potato’, e así comezou a coñecerse en América, e tamén en Europa, ao ser traducida a expresión á maioría de linguas indoeuropeas.

A batata non soporta as baixas temperaturas, polo que o seu cultivo se distribúe polas rexións de clima tépedo. Segundo datos da Organización das Nacións Unidas para a Agricultura e Alimentación (FAO 2005), a maior parte da produción mundial concéntrase só en 15 países (agrupan o 97% da produción). O sueste de China é a rexión produtora por excelencia: alcanza o 80% do que se cultiva en todo o mundo. Séguenlle a longa distancia Uganda e Rwanda. O seu cultivo está estendido tamén en Xapón, Brasil, Estados Unidos e Papúa Nova Guinea. Nos países en vías de desenvolvemento, a batata é a quinta planta comestible en importancia tras o arroz, o trigo, o millo e a yuca.

Hai máis de 400 variedades de batata que se diferencian pola lonxitude (hainas de 30 centímetros), forma (alargada ou esférica), peso (de 100 gramos a 1 quilo) e cor, tanto da pel como da carne, (branca, crema, amarela suave ou intenso, rosáceo ou azamboado e laranxa).