Batata

Cocer as batatas sen pelar en auga fervendo sen sal. Pór en remollo en ron as uvas pasas sen pebidas. Cando están cocidas as batatas, pelalas e pasalas por un pasapurés até formar unha masa fina.

Incorporar a esta pasta, traballándoa vigorosamente, o azucre e a cucharada de fariña.

Alixeirar a composición cun pouco de leite, e engadir logo 3 ovos, un a un, e finalmente a xema doutro ovo. No último momento montar a piques de neve a clara que quedou e incorporar á pasta para que esta resulte lisa e lixeira.

Agregar as uvas pasas e verter a pasta nun molde de coroa untado con manteiga.

Pór o molde nun recipiente de baño de maría, deixar que empece a ebulición sobre o lume, e logo introducir no forno a 200 graos e deixar que coza uns 40 minutos.

Baleirar o molde sobre unha rejilla, deixar que arrefríe e servir cunha crema de leite doce.